Kunning um ansing á Lítlafløtti
Barnaansingin á Lítlafløtti hevur verið avmarkað síðani 13. mars. Barnagarðurin er tó í prinsippinum opin hvønn dag, og vit taka ímóti børnum. Øll tey, ið vilja hava ansing, fáa ansing.
Frá 20. apríl verða nýggjar reglur um ansing galdandi
Tað er gjørd ein innskrivingarskipan, sum foreldur skulu nýta til at boða frá, um barn/børn teirra koma á stovn fyri ta næstu vikuna. Fyri at gera hetta forsvarligt og eftir tilmælunum frá heilsumynduleikunum, heita vit á foreldur, sum ætla at barnið skal koma á stovnin, um at boða frá á hesi leinkjuni:https://litliflottur.fo/ansing-(vika-17)
Fráboðanin skal vera fyri eina viku í senn, og fráboðast skal í seinasta lagi hósdagar kl. 12.00 vikuna frammanundan, so virksemið kann skipast á besta hátt. Hesa vikuna er freistin tó kl. 12.00 fríggjadagin 17. apríl .
Vísandi til at landsmyndugleikin mælir til eina varisliga upplating av samfelagnum, hevur kommunustýrið í Sjóvar kommunu avgjørt, at tey sum hava børn síni heima, ikki skulu rinda barnagarðsgjald, meðan tey, ið taka av ansingartilboðnum, skulu gjalda fyri tænastuna.
Dagsgjald fyri børn í vøggustovu: 120,00 kr.
Dagsgjald fyri børn í barnagarðsstovu: 100,00 kr.
Dagsgjald fyri børn í frítíðarskúla: 50,00 kr.
Systkinaavsláttur verður roknaður á sama hátt sum frammanundan
Hendan skipan er fyribils galdandi til nýggjar tilráðingar koma frá myndugleikunum.
Hava tit spurningar ella ivamál kunnu tit ringja til:
Sóleyð Debes Joensen, leiðara, tlf. 232747
Sigrid á Kinn Olsen, varaleiðara, tlf. 227960